كلمات رائعه احساس مرهف والألقاء ولا أجمل
اتمنى ان تحوز على اعجابكم كما اعجبتني
فهي رائعه بمعنى الكلمه


واثــــــــق الخـــطــــــــــوه



اسمعيني وافهمي قلب(ن)يصون ____ يهمــــل الدنيا ولاهــــــو مهملك
انتي عنـــدي غاليه مهما يكــــــون ___ لايغرك كذب حاقـــــد يوصـــلك
والله اني ما عرفت اقسى واخون ___ والله انك للعـــواذل مسهــــــلـك
البراءه فــــيك والقلـــب الحنـــون ___ لاجل هذا اي كــــــذبه تشغــــلك
لاتخلـــــــين العـــــواذل يفرحون ___ قصدهم واضح ولا هو يجهــــلك
واعرفي ماكــل من حبــك يمــون ___ حتى لو هو من قرايبك وهـــــلك
يعني الهقوات من كذب الضنـون ___ والتســـرع جايـــز انــه يقتـــلك
والمحبه حلمها شخص يصـــون ___ والمطيري استحــــــاله يـــخذلك
قولي للـــــي من ورايـــا يكذبون ___ واثق الخطـوه مشى مشية مــــلك
وذكريهم مهــــما كانوا يخذلــون ___ مثلهم واجد على دربـــي هــــلك
وان تناسوا ذكـــريهم يذكــــرون ___ الزمن يـــــوم علــــــيك ويوم لك

تكفى لاتوادعـــــــني

طلبتك يابعد كل الخلايق روف واسمعــني
_____ ترا مايذبح العاشق ســـــــوى لاكثرت اوجــاعه
امانه لابغيت تروح تكـــفى لاتــــــوادعني
_____ تراك انت الوحيد اللي عــجزت اتخيل وداعـــــه
اليا منه نزل دمعي امـانه قـــول وش يعني
_____ يا امـــا اني احبــــــــك او ان النفــــس ملتـــاعه
وانا فالحالتين اصبح انا المقصود والمعني
_____ وتصبح حضرتك جاني وانا المجني على اوضاعه
ياهيه اسمع ياهيه افهم كلامي لاتقــاطعني
_____ ترا الـــرجال دمـــعاته تســــاوي لويـــــت ذراعه
واناعن بعض الاشياء عزتي والله تمنعني
_____ مع ان نفسي على حـــــبك قسم بالله منـــصاعـه
ياليتك من قبل لاتقتنع في البعد تقنــــــعني
_____ سقيــــم الحب بعـــد الله من اللـــي يقــدر اقناعه
وياليت انك سقيم العقل قبل انك تولـــعني
_____ ماكنـــت اشتاق للمــــجنون واعشق طبع طباعـه
ترا عادي يومنك كل ساعه كنت تخدعني
_____ لكــن اللي ماهو عادي احبـــــك موت وكل ساعه
احبك كثر مالك في الحشا طعنات توجعني
_____ واحبـــــــك كثرمايجرح خفوقي خافقن باعـــــــه
احبك كثر ماحاولت للهجران تدفعنــــــي
_____ واحبــــــــك كثر ما املك من بيوت الشعرواتباعه
ولكن دمعي لوينزل نزل في شي ينفــعني
_____ نزل للخـــــالق الــواحـد وابي وامي وللــطاعـــه


ياغــــــــشيمـــــــــهـ

يومني جيت اسايرك واطلب رضاك
____ صرتي علي ياغـشـــيمه تغــلـــــين
شكلك نسيتي ****ك كيف ربــــاك
____ والظاهر انك مافــهمتي لهــــالـحين
ماهو بنااللي يتبــــعك ويترجــــــاك
____ انا الذي لارحـــت لازم تـــــرجيــن
ولاهوب انا اللي يوم غبتي يتمـــناك
____ انا الــــذي لاغـــبت لازم تمــــــنين
بدري عليـــــك احن حتى لذكــراك
____ وبدري علــــى الذكرى تخليني اليـن
ولو قلبي حن وجابلي يوم طـــرياك
____ والله لاشيــله مع عروق الشـــرايين
لي عزه وقيمـه ولي قدر يعــــلاك
____ واعرف كيف اصبرعلى البعد والبـين
انا مطيري يـوم هذا وهــــــــــذاك
____ لاصد له ليـــــله يجي بعد يومـــيـن
واسمي فهد صنهات ماضن يخفاك
____ مع جدي العفــــــار ذيب الدياحــــين
تدرين انا ماهمـني كثر الامــــلاك
____ وفلــوسك اللــي مالــها عد تــدريــن
يهمني قلـــبك وطــــيبك ومبـــداك
____ حبيــــتك لـــذاتك ماهــو للمــــلايين
يومــنها بانت خوافــــي نوايــــاك
____ وعرفت وش اللـي تبـــينه وتــــنوين
لو قبض روحي كان مابين يــداك
____ لا ماطلــبت العفو والصفح واللـــين
يعني تبا تبطين ماقلت انا ابغـــاك
____ اقسم قــسم بالله يابنـــــت تبطــــــين
مومشكله جيتك ابي اطلب رضاك
____ وانتــــــي علي ياغــــشيمه تغــــلين
المشكله اني على طول ابنســـاك
____ بس انتي قولي كيف بالله تنــــــسين